فيسبوك: قرار جمهوري بإغلاق قناة "التت" للرقص الشعبي

 أبرزت صفحات فيسبوك لهذا الأسبوع مجموعة من القضايا والأخبار والتعليقات، كان من أبرزها قضية زواج اللاجئات السوريات من خليجيين وعرب، وحوار الرئيس المصري محمد مرسي مع التلفزيون الذي تحدث فيه عن الإصلاح والثورة وغيرها، إضافة إلى صدور قرار جمهوري بإغلاق قناة "التت" للرقص الشعبي.


فعلى صفحة "افتكاسات مصري أم الأجنبي،" كتب القائمون على الصفحة: "تحية تقدير واعتزاز للحرامية والبلطجية لانهم الفئة الوحيدة اللي معملوش اضرابات ولا مظاهرات وشايفين شغلهم وكمان مبيفرقوش بين مسلم ومسيحي."

وفي معرض الردود، كتبت أسماء الوزاني تقول: "ده اللي بيسموه الضمير المهني،" وقال أيمن محمد: "بنطالب كل بلطجي .... بتسجيل اسمه في النقابه للتمتع بخدمات النقابة ..من رعاية صحية و طبية ... و خدمات اخرى ...... المقر بتاعنا ... طرة بلازا،" وقالت ميرفت رؤوف: "فعلا هما الفئة الوحيدة من يوم الثورة اللي ما بطلتش شغل و لا يوم و حققت اهداف الثورة العمل ثم العمل ثم العمل."

وفي مشاركة أخرى، كتب القائمون على الصفحة: "في حواره للتلفزيون تحدث مرسي عن السياحة، ومعدلات التشغيل، والصناعة والتطوير، ومنسوب النيل، والقمح، والمانجة، والارز. اذا سمعت الحوار ولم يبقى في ذهنك الا المانجة فأبشر.. دي اعراض الوحم.."

وتعليقا على ذلك، كتب عبدالفتاح محمد: "لا لا ده هو لما يسيب ارتفاع سعار الخيار و الطماطم و كل الاطعمة و المواصلات و المياه و الكهرباء و الارتفاع المحتمل في البنزين اللي هيولع الحياة اكتر و يمسك في المانجة يبقى اكيد هو اللي بيتوحم عليها."

أما على صفحة "بس يا سيدي وقمنا عملنا حزب الدستور،" كتب القائمون على الصفحة: "قرار جمهوري بغلق قناة ( التت ) للرقص الشعبي،" وعلقت رانيا عامر بالقول: "ياريت يحصل بس معتقدش انه ارئيس هيقفلها بقرار جمهوري."

وكتب أحمد شفيق يقول: "انا مع قفلها لا شك ،، بس لو هانقفل القنوات بقرار اداري و نمشيه ع الرقص دلوقتي بكرة نقفل اون تي في بقرار اداري برضة !غلق اي قناة لا بد يكون بحكم قضائي حتى لو قناة اباحية مش قناة رقص." وقال الدوق فليد: "انا مع غلق القناة السافلة دي لأني بسمع عنها كلام في منتهى الحقارة بالرغم اني عمري ماشفتها...ولكن ايه القانون اللي يسمح للرئاسة بغلق قناة او فتحها بدون حكم محكمة ؟؟؟؟ بكرة يقفلوا قناة الناس او الرحمة او دريم او المحور او اي قناة تانية بدون حكم محكمة ما هي هيصة بقه، احنا مش دولة قانون ولا إيه."

وتم تداول قضية زواج لاجئات سوريات من خليجيين وعرب على عدة صفحات على فيسبوك، ووردت آراء متنوعة في هذه القضية، فقد قال طارق عبده السياغي: "المفروض نستقبل السوريين مثل ما أستقبل الأنصار المهاجرين ونقاسمهم أموالنا ونسأل الله السلامة لكل المسلمين."

أما صابرين منجود فكتبت تقول: "هم في وضع صعب اذا كانت في بلدها وجاها خاطبا من اي مكان في الدنيا ووافقت عليه اعتقد سيكون الامر عادي ولكن ان يلجأوا الينا لنغيثهم فنبيع فيهم ونشتري ... لو كان الاعلان ان البنت السورية تبحث عن زوج لفهمنا ولكن عايز واحدة حلوة وعندها 18 سنه ايه دا؟"

وكتب أنس البلتاجي: "الحكم الشرعي حلال .. لأنه زواج شرعي طبيعي ... لكن المشكلة في طريقة الزواج يعني ميصحش حد يروح للمخيمات مثلاً يقولهم أنا عايز واحده سورية وخلاص . ولا استغلال جنسى ولا سبايا الفكرة في تقبل نفسية السوريات لهذا الأمر فقط."

وقال محمد علي: "انا مش موافق على الأسلوب ده . الطريقة دي هيختلط فيها الحابل بالنابل يعني هتلاقي اللي فعلا غرضه شريف وعاوز يغيثها وهتلاقي فيها الواطي اللي ممكن يستغل حاجتها وعوزها ويستغلها في اغراض منافية للآداب مثلا وهي المسكينة ممكن ماتقدرش تعترض بعد مالقت سقف يتاويها."

أرسلت بواسطة alarabia فى 12:02 ص. تحت قسم أخبار الفن, أخبار مصر, أخر الآخبار, feature . يمكنك متابعتنا بجديد الأخبار على بريدك الألكترونى إضغط هنا. للأشتراك بالخدمة .